ШКУ модели Шанхай кызматташтык уюмунун ишин имитациялаган окуу платформасын билдирет. ШКУга мүчө мамлекеттерди өкүлдөрү формалдуу жыйындарда, талкууларда, кулуарлык консультацияларда жана актуалдуу эл аралык маселелер боюнча резолюцияларды иштеп чыгууда катышат. Иш-чара активдүү жаштарды, студенттерди жана жогорку окуу жайларынын өкүлдөрүн, ошондой эле эл аралык мамилелер, дипломатия жана регионалдык кызматташтык боюнча билимдерин тереңдетүүнү каалаган жаштар уюмдарын чогултат. Бул иш-чаранын негизги максаты жаштарда дипломатиялык ой жүгүртүүнү, лидерлик жөндөмдөрдү, коомдук сүйлөө жана командада иштөө жөндөмдөрүн өнүктүрүү.
Иш-чаранын расмий ачылышында сөз сүйлөйт:
- Марат Тагаев, Маданият, маалымат жана жаштар саясаты министринин орун басары;
- Алмаз Букалаев, Кыргызстандагы ШКУнун улуттук координатору;
- Жакшылык Бекназаров, «Кыргызстандын жаштар кыймылы» коомдук бирикмесинин төрагасы;
- Чолпон Шаикова, «Шанхай кызматташтык уюмунун маданий интеграциялык борбору» мамлекеттик мекемесинин директору.
Ачылыш аземинен кийин катышуучулар ШКУ моделинин сессияларына өтүп, делегаттардын сүйлөшүүлөрү, күн тартибин талкуулоо, ошондой эле белгиленген регламентке ылайык резолюция долбоорлорун даярдоо жана бекитүү иштери жүргүзүлөт.
