Элчиликтин басма сөз кызматынын маалыматына ылайык, семинар кореялык окуу программалары жана окуу китептери боюнча тажрыйба алмашууга, ошондой эле санариптик билим берүү контенти боюнча саясатты жана Кыргызстандагы учурдагы абалды талкуулоого багытталган.
Семинарга эки өлкөнүн билим берүү министрликтеринен адистер, «Окуу китеби» басма үйүнүн өкүлдөрү, профилдик уюмдардын эксперттери жана билим берүү тармагындагы башка адистерди камтыган 30 чамалуу адам катышты.
Кореянын элчиси Ким Квангдже билим берүү системасын реформалоо этаптарында окуу китептери боюнча кызматташуу маселелери боюнча диалогдун маанилүүлүгүн белгиледи.
Билим берүү министринин орун басары Лира Самыкбаева өлкөдөгү билим берүү реформасы мамлекеттик милдет экенин, окуу программаларын, окуу китептерин, санариптик билим берүү материалдарын жаңылоого жана педагогдорду даярдоого багытталганын айтты.
Семинар алты темалык багытты камтып, катышуучулар кызматташууну кеңейтүү жана келечекте биргелешкен долбоорлорду иштеп чыгуу боюнча панелдик талкуу менен аяктады.
