Министрликтин маалыматына ылайык, бул иш-чара Кыргызстандын чөйрөнү коргоо жана экологиялык коопсуздук боюнча мамлекеттик жөнгө салуу департаменти тарабынан АКШнын Энергетика департаменти жана АКШнын Ядролук коопсуздук боюнча улуттук администрациясынын колдоосу менен уюштурулган. Семинар эл аралык ядролук кепилдиктердин инфраструктурасын чыңдоого багытталган программанын алкагында өттү (INSEP).
«Семинардын максаты мамлекеттик мекемелердин жана операторлордун эл аралык ядролук кепилдиктерди ишке ашыруу боюнча маалымдуулугун жогорулатуу, ошондой эле Кыргызстандын МАГАТЭнин кеңири кепилдиктери боюнча кошумча протоколго биринчи отчетту сунуштоого даярдык көрүү. Иш-чаранын жүрүшүндө Кыргызстандын кабыл алган кичинекей көлөмдөр боюнча модификацияланган протоколдун колдонулушунун практикалык аспектилерине, ошондой эле ядролук материалдарды эсепке алуу жана көзөмөлдөө боюнча улуттук системанын алкагында функциялардын жана жоопкерчиликтин бөлүштүрүлүшүнө басым жасалды», — деп айтылат маалыматта.
