Маданият министрлигинин басма сөз кызматынын маалыматына ылайык, иш-чаранын алкагында маалыматтык коом боюнча дүйнөлүк жогорку деңгээлдеги жыйындын жыйынтыктарын талкуулоого арналган жогорку деңгээлдеги жыйын өттү, анда министр доклад менен чыкты.
Өз сөзүндө Мамбеталиев Кыргызстандагы санариптик трансформация боюнча практикалык тажрыйбасы менен бөлүшүп, санариптештирүүнүн туруктуу өнүгүүнү, экономикалык өсүүнү жана жарандардын жашоо сапатын жакшыртуудагы негизги инструмент катары каралаарын белгиледи.
Анын ичинде, ал Санариптик кодексин кабыл алуу, электрондук мамлекеттик кызматтарды өнүктүрүү, жарандардын санариптик укуктарын коргоо жана жасалма интеллектти коопсуз жана этикалык колдонуу үчүн нормативдик базаны түзүү боюнча көңүл бурду.
Министр ошондой эле өлкөнүн дээрлик бардык аймагы 3G жана 4G тармактары менен камтылганын билдирип, Digital CASA долбоорунун ишке ашырылышы жана 2025-жылы «Түндүк» мамлекеттик органдар аралык өз ара аракеттешүү системасы аркылуу миллиарддаган электрондук транзакциялардын жүргүзүлгөнү тууралуу айтып берди.
