Кызматташтары Орозовдун министрликтеги эмгеги жана салымы үчүн ыраазычылык билдиришип, ага урмат катары ак калпак жана чепкен кийгизишти.
Бактияр Орозов 15-декабрдын түнүндө Кой-Таш айылында Чүй облусунун УОБДД кызматкерлери тарабынан алкоголь ичимдигин ичип алып унаа башкаруу шектелип кармалганын белгилеп өтүү керек.
Мурда президент Орозовду этикалык нормаларды бузгандыгы үчүн жумуштан бошотуу тууралуу указга кол койгон.
Эскерте кетсек, Бактияр Орозов быйылкы жылдын майында илим, жогорку билим берүү жана инновациялар министри болуп дайындалган. Андан мурда ал Кыргызстандагы билим берүү жана илим министринин биринчи орун басары жана юстиция министринин орун басары кызматтарын аркалаган.
