Ош шаарынын прокуратурасынын бөлүм башчысы Марат Ботояровдун билдирүүсүнө караганда, жыйын 18-декабрда жергиликтүү ички иштер башкармалыгы, мамлекеттик салык кызматы жана сот аткаруучуларынын кызматынын өкүлдөрүнүн катышуусунда өттү.
Жыйналыштын максаты Башкы прокуратуранын көрсөтмөлөрүн аткаруу болду. Иш-чаранын катышуучулары сот аткаруучулардын ишиндеги учурдагы көйгөйлөрдү талдап, сот чечимдерин убагында жана толук аткарууга тоскоол болгон факторлорду, ошондой эле аткаруу процессинин создугунун себептерин талкуулашты.
Жыйындын жыйынтыгында сот аткаруучулардын ишин жакшыртуу боюнча конкреттүү сунуштар даярдалды. Атап айтканда, катышуучуларга белгиленген мөөнөттөргө так сакталыш керектиги, кызмат адамдарынын жоопкерчилигин күчөтүү, карыздарды жана алардын мүлкүн издөөгө активдүү катышуу, ошондой эле мыйзамдардын сакталышын камсыз кылуу боюнча тапшырмалар берилди.
Мындан тышкары, 178 жана 370-беренелер боюнча козголгон кылмыш иштерине мыйзамдуу чечимдерди тез арада кабыл алуу жана зыянды калыбына келтирүү боюнча иш-чараларды өткөрүү боюнча көрсөтмөлөр берилди.
Ведомстволор ортосундагы өз ара аракеттенүүнү күчөтүү, кызматтык тартипти жогорулатуу жана сот аткаруучулардын кесиптик даярдыгын жогорулатуу да маанилүү маселе болду.
