БГКнын басма сөз кызматы тарабынан берилген маалыматка ылайык, жыйналышка катышуучулар кеңештин жакынкы сессиясына сунушталуучу токтомдордун долбоорлорун талкуулашты. Талкууланган негизги маселелердин бири Манас ата жашоо массивиндеги көчөнүн аталышынын жоктугуна байланыштуу жарандардын жыйнагы болду. Бул жоктук жашоочулар үчүн жашаган жери боюнча каттоону жана үйлөрүнө укук таануу документтерин алуу процессин кыйындатууда.
Талкуунун натыйжасында комиссия Свердлов районунун акимине жана Бишкек башкы архитектурасына бул маселени көзөмөлгө алып, көчөгө аталыш берүү процессин тездетүү үчүн зарыл чараларды көрүү тапшырмасын берди.
