Бишкек шаардык Мамлекеттик архитектуралык-курулуш контролунун адистери жерине чыгып, текшерүү жүргүзүштү. Текшерүүнүн жыйынтыгында объекттеги иштер айлана-чөйрөгө кооптуу шарттарды жаратып, техникалык жана курулуш коопсуздугу боюнча талаптардын аткарылбай жаткандыгы аныкталды.
Текшерүүнүн жыйынтыгы боюнча ОсОО "Курулуш" компаниясына карата акт түзүлүп, 200 миң сом өлчөмүндө айыппул салынды. Курулуш компаниясына аныкталган бузулууларды жоюу үчүн 10 күн берилди, ал эми текшерүү учурунда курулуш убактылуу токтотулду.
Мындан тышкары, атайын комиссиянын жыйынында аталган компаниянын лицензиясын убактылуу токтотуу маселеси каралат.
