Бишкек шаардык Мамлекеттик архитектуралык-курулуш контролунун башкармалыгы көрсөтүлгөн объектке дароо чыгып кетти. Инспекциянын жүрүшүндө курулуш аянтчасында айлана-чөйрөгө коркунуч туудурган шарттар түзүлгөндүгү, ошондой эле коопсуздук техникасы жана курулуш нормалары боюнча талаптар сакталбагандыгы аныкталды.
Текшерүүнүн жыйынтыгында ОсОО «Курулуш» компаниясына карата акт түзүлүп, 200 000 сом өлчөмүндө айып пул салынды. Ушул эле убакта, компанияга аныкталган бузулууларды жоюу үчүн 10 күн берилди, бул убакыт аралыгында курулуш токтотулду.
Мындан тышкары, атайын комиссиянын жыйынында аталган компаниянын лицензиясын убактылуу токтотуу маселеси талкууланат.
Курулуш министрлиги бардык курулуш уюмдарына Кыргыз Республикасынын «Архитектура жана шаар куруу жөнүндө» мыйзамдын нормаларын катуу сактоонун маанилүүлүгүн эскертип, курулуш объекттериндеги коопсуздук талаптарын да эске алууну сунуштайт. Бузуулар аныкталган учурда тиешелүү чаралар көрүлөт.
