Кылмыш-жаза кодексине тиешелүү уруксатсыз лотереяларды, анын ичинде онлайн-лотереяларды уюштуруу жана өткөрүү үчүн жазалоо каралган жаңы статьяны кошуу пландалууда.
Долбоорго ылайык, бул укук бузуулар үчүн үч жылдан беш жылга чейин эркинен ажыратуу жазасы каралган. Эгер кылмыш уюшкан топ тарабынан, кызматтык абалынан пайдаланып же жашы жете элек адамдардын катышуусу менен жасалса, жазанын мөөнөтү сегиз жылга чейин узартылат.
Мыйзам долбоору бинардык опциондорду азарт оюндардын түрү катары аныктап, алардын финансылык инструмент эмес экендигин белгилейт.
Документте өлкөдө бинардык опциондорду уюштуруу, өткөрүү, жарнамалоо жана илгерилетүүгө толук тыюу салуу сунушталууда, ошондой эле жарандардан мындай оюндарга катышуу үчүн акча каражаттарын кабыл алууга тыюу салынат.
Мындан тышкары, долбоор мамлекеттик органдарга бинардык опциондорго байланыштуу интернет-ресурстарды аныктоо жана аларды блоктоо үчүн сотко кайрылуу мүмкүнчүлүгүн берүү сунушталууда. Банктарга жана төлөм системаларына тиешелүү финансылык транзакцияларды токтотуу сунушталса, интернет провайдерлер 24 сааттын ичинде билдирүү алгандан кийин мындай ресурстарга кирүүнү чектеши керек.
