Вице-мэр Виктория Мозгачева көйгөйдүн бар экенин тастыктап, негизинен мыйзам менен кагылышта болгон балдар жөнүндө сөз болуп жатканын белгиледи.
Ал кошумчалады: «Биздин борбордогу мындай балдар үчүн атайын борбор керек. Мурдагы жетекчи өз милдеттерин канааттандырарлык аткарбагандыгы үчүн жумуштан бошотулган».
Бирок, Эргешовдун айтымында, жаңы жетекчилик менен да качуу учурлары уланууда. «Ушул сыяктуу уруштар боюнча арыздар жана видео фактылар бар: улук өспүрүмдөр кичүүлөргө зомбулук көрсөтүшөт, ал эми кээ бир кызматкерлер балдарды жаман сөздөр менен кемсинтишет. Бул өтө катаал мамиле, бул балдарды борбордон кетүүгө мажбурлайт. Мындан тышкары, мекеме туруктуу демөөрчүлүк жардам алат, бирок бул каражаттардын эсеби жүргүзүлбөйт. Ситуацияны көзөмөлгө алуу керек, борборго комиссиялык чыгуу уюштурууну суранам», — деп белгиледи депутат.
