Министрликтин пресс-кызматы жолугушуунун катышуучуларына министрликтин негизги иш багыттары тууралуу маалымат берилгенин билдирди. Айрыкча, коопсуз миграция, чет өлкөдөгү жарандардын жумушка орношуу боюнча колдоо көрсөтүү жана миграциялык концепциянын алкагында иш-чараларды ишке ашыруу жөнүндө сөз болду. Ошондой эле статистикалык маалыматтар жана калктын жумуш менен камсыздалышы жана социалдык төлөмдөрдү берүү боюнча маселелер айтылды.
Жолугушуунун жүрүшүндө делегаттар эмгек мигранттарын реинтеграциялоого багытталган ар кандай долбоорлор боюнча түшүндүрмөлөр алышты. Ошондой эле жарандардын эмгек укуктарын коргоо, балдарды репатриациялоо, реестр системасынын иши, «200 жүк» менен байланышкан проблемалар, сезондук жумуштар менен алектенген студенттердин абалы жана колл-борборлордун натыйжалуулугун жогорулатуу сыяктуу маанилүү маселелер талкууланды.
