Иш-чара учурунда вице-министр Бакыт Дарманкул уулу коопсуз жана легалдуу эмгек миграциясынын маанисин белгилеп, бул процессте жеке жумуш агенттиктеринин ролун айкын көрсөттү.
Вице-министрдин айтымында, мигранттар жөн гана экономикалык категория эмес, бул – тагдырлары бар адамдар, жана мамлекет алардын укуктары менен коопсуздугу үчүн жоопкерчилик алат. Ал жарандардын жогорку кесиптик квалификациясы чет өлкөдөгү кирешелерин көбөйтүүгө жана, тиешелүү түрдө, үй-бүлөлөрүнө каражат которууга жардам берерин белгиледи. Ар жылы дээрлик 100 миң кыргызстандык чыгып кетер алдында кеңеш алуу үчүн кайрылышат, алардын 17-21% аялдар, бул болсо алардын укуктарын коргоого өзгөчө көңүл бурууну талап кылат.
Мындан тышкары, Бакыт Дарманкул уулу оң динамика байкалууда экенин белгиледи: эмгек мигранттарынын саны жумуш орундардын өсүшү жана өлкөдөгү экономикасынын өнүгүшү менен акырындык менен азайып жатат.
Иш-чаранын алкагында эң мыкты жеке жумуш агенттиктери легалдуу эмгек миграциясына кошкон салымы, сапаттуу иштери жана заманбап стандарттарды киргизүү, кызматтарды санариптештирүү үчүн сыйлыктар менен сыйланды.
