Кыргыз Республикасынын Башкы прокуратурасы ГСИНде соттолгондор үчүн балыкты адекватсыз баада сатып алуу тууралуу маалымат берди.
Прокуратура тарабынан жүргүзүлгөн текшерүүнүн алкагында, Мамлекеттик жаза аткаруу кызматы тарабынан жүргүзүлгөн сатып алуулар изилденди.
2025-жылы аталган мамлекеттик кызматтын ыйгарым укуктуу адамдар соттолгондордун муктаждыктары үчүн тоңдурулган балыкты жогорку баада сатып алышкандыгы аныкталды. Бул 15,9 миллион сомдук зыянга алып келди.
Бул иш боюнча Кыргыз Республикасынын Кылмыш кодексинин 337-беренеси, кызматтык ыйгарым укуктарды кыянаттык менен пайдалануу боюнча кылмыш иши козголду. Учурда зарыл болгон тергөө аракеттери жүргүзүлүүдө.
