Ал коррупциялык кылмыштарды жасап, Кыргыз Республикасына олуттуу зыян келтиргендер үчүн, ошондой эле аялдар жана балдарга каршы зордук зомбулук кылгандар үчүн өлүм жазасын киргизүү зарылдыгын баса белгиледи.
Ошол эле учурда делегат укук коргоо органдары айыпталуучунун күнөөсүн тастыктаган так далилдерге ээ болушу керектигин айтты.
Эскерте кетсек, 2025-жылдын 10-декабрында Конституциялык сот президенттин арызын карап, өлүм жазасын Конституцияга өзгөртүүлөрдү киргизүү аркылуу калыбына келтирүү мүмкүн эместигин жана өлкөнүн Баш мыйзамына каршы келерин аныктаган.
Мурда президент Садыр Жапаров балдарга жана аялдарга каршы жасалган өзгөчө оор кылмыштар үчүн өлүм жазасын кайтаруу боюнча сунуш киргизген. Бул сунуш 17 жаштагы Айсулуу Мукашева өлтүрүлгөн трагедиянын натыйжасында пайда болгон, ал 27-сентябрда уурдалып, зордукталган, бул коомчулукта кеңири резонанс жараткан.
