Бул жылы министрлик төмөнкү негизги милдеттерди аткарды:
— эл аралык «Манас» аэропортун реконструкциялоодо кеңири иштер жүргүзүлдү;
— эл аралык «Ош» аэропортунда жаңы аэровокзал комплекси курулду;
— Ысык-Көл облусунда «Ала-Тоо Резорт» курорттук комплекси курулду;
— Таласта «Баластан» балдарга арналган көңүл ачуу-ойноо борбору ишке ашырылды;
— «Манас Ордо» комплексинде реконструкциялоо боюнча биринчи ирет масштабдуу иштер жүргүзүлдү.
Ошондой эле министрлик жарандарга кызмат көрсөтүүнү оптимизациялоого жана иштердин аткарылышын жакшыртууга багытталган реформаларды баштады. 2025-жылы инженердик изилдөөлөр боюнча мамлекеттик контролду күчөтүү максатында инженердик изилдөөлөр департаменти түзүлдү.
Талас жана Ош облустарында «Кыргызкурулуш» мамлекеттик ишканасынын филиалдары ачылды, бул региондордо долбоорлоо жана курулуш кызматтарына жетүүнү кеңейтүүгө мүмкүндүк берди.
Республика боюнча архитектура башкармалыктары үчүн 16 административдик имараттын курулушу башталды, алардын бешөө азыркы учурда пайдаланууга берилди.
Ош облусунда сейсмостойку курулуш институтунун түштүк филиалы ачылды, ал эми Чолпон-Атада Сертификациялык борбордун филиалы ишке киргизилди.
Мындан тышкары, бюрократиялык тоскоолдуктарды азайтуу үчүн уруксат берүүчү документтерди алуу процесси жеңилдетилди, бул президенттин мамлекеттик башкарууну дебюрократизациялоо стратегиясына толугу менен жооп берет.
