Жаңы токтомго ылайык, архитектуралык-курулуш контролунун Мамлекеттик департаментине жана анын жергиликтүү бөлүмдөрүнө, ошондой эле Бишкек, Ош жана Ысык-Көл курорттук зонасындагы окшош мекемелерге тиешелүү уруксат документтеринин реестринин пункттары алынып салынды.
Мындан тышкары, архитектура жана курулуш тармагында ыйгарым укуктуу мамлекеттик орган тарабынан жүргүзүлүүчү иштердин реестри жаңыланды. Ага капиталдык курулуш, реконструкция жана кайра пландоо объектилерин курулуш объектилеринин реестрине киргизүү, ошондой эле курулуш-монтаждоо иштеринин аяктагандыгы тууралуу күбөлүк берүү сыяктуу жаңы акы төлөнүүчү кызматтар кошулду.
Бул токтом мыйзамдарды тартипке келтирүүгө багытталган жана 10 күндөн кийин күчүнө кирет.
