Кызыктуу жагдай, айылдык жерлердин тургундары, эркектер жана аялдар, үй чарбасы менен алектенүүгө шаардык тургундарга салыштырмалуу 20% көбүрөөк убакыт коротушат. Айылдарда иштеген аялдар жумуш күндөрүндө үй иштерине орто эсеп менен 6,5 саат коротушса, шаарларда бул көрсөткүч 5 сааттын тегерегинде. Иштеген эркектерде убакытты сарптоо боюнча айырма дагы бар, бирок ал азыраак байкалат: айылдарда алар күнүнө орто эсеп менен 50 мүнөт, ал эми шаарларда 35 мүнөт коротушат.
Мындан тышкары, иштеген эркектер жана аялдардын үй иштерине сарпталган убакыт структурасы аткарылган иштердин түрүнө жараша айырмаланат.
