Салык кызматы жасалма товарларды, акциздик маркаларды жана жабдууларды тартып алды
Бишкекте Мамлекеттик салык кызматынын кызматкерлери рейд өткөрүп, натыйжада контрафакттык алкоголь өндүргөн жашыруун цехти аныкташты.
«Арча-Бешик» турак жай массивинде жайгашкан имаратты текшерүү учурунда 122 даана жасалма алкоголь продукциясы, ошондой эле шектүү келип чыккан 2 180 акциздик марка табылды. Мындан тышкары, 110 литр спирт, кол менен жасалган куюу жабдуулары жана ар кандай этикеткалар, ошондой эле алкоголь продукциясынын айнек бөтөлкөлөрү тартып алынды.
Жыйналган маалыматтардын негизинде керектүү актылар түзүлүп, бардык материалдар укук коргоо органдарына арыздануу үчүн өткөрүлдү.
ГНСтин сүрөтү
