Ал ошондой эле Маликов көчөсүндө жайгашкан «Мурас» турак жай комплексинде эми ипотекалык үйлөр эксплуатацияга берилгенин, алты блоктон турган 18 жана 24 кабаттуу үйлөр бар экенин белгиледи.
Туманбаев, сабырдуу мамиле жана күтүү менен, турак жай алуу үчүн кезекте турган жарандар эки-үч жылдын ичинде батир алуу кыялына жетише аларын кошумчалады.
Президенттин иштер башкармалыгынын өкүлдөрү ипотекалык турак жай программасын ишке ашыруу пландын негизинде улантылып жатканын белгилешти. 2025-жылы Мамлекеттик ипотекалык компания аркылуу 4 миң 662 адам батир алат. Учурда ГИК линиясы боюнча 80 миң 245 батирдин курулушу жүрүп жатат.
