Бишкектин 2050-жылга чейин өнүктүрүү боюнча Генералдык планына ылайык, 12 микрорайонду шаар борбору менен Ош базарынын ортосунда байланыштыруучу трамвай линиясы тартылат. Бул маалымат шаардык мэрияда айтылды.
Ведомстводон билдиришкендей, трамвай маршруту Аалы Токомбаев проспектиси боюнча 12 микрорайондон башталып, Киев көчөсү аркылуу Ош базарына чейин уланат.
«Курулуш иштеринин кезектүүлүгү жана маршруттар кийинки долбоорлоо этаптарында аныкталат, анын ичинде техникалык-экономикалык негиздемени түзүү», — деп айтылат билдирүүдө.
Мындан тышкары, шаардыктар тарабынан шаарды айланып өтүүчү трамвай линиясынын түзүлүшү боюнча сунуштар келип түшкөн.
Бул боюнча муниципалитетте Генералдык планда жогорку жүктөмдөгү жүргүнчү агымы бар багыттарда, негизги аймактарды жогорку турак жай тыгыздыгы менен байланыштыруучу трамвай линиялары каралгандыгын түшүндүрүштү.
Ошондуктан, шаарды айланып өтүүчү трамвай линиясы жүргүнчү ташууну натыйжалуу аткара албайт, деп кошумчалашты мэрияда.
