Ош шаардык кенешинин депутаттары 2025-жылдын 23-декабрында сессияда «Ош шаарынын мэриясынын Финансылык башкармалыгын» түзүү боюнча сунушту бекитишти.
Буйрукка ылайык, бул чечим «Жергиликтүү мамлекеттик башкаруу жана жергиликтүү өз алдынча башкаруу органдары жөнүндө» мыйзамга жана 2025-жылдын 12-августундагы президенттин № 264 буйругуна ылайык кабыл алынды. Талкуу учурунда Ош шаарынын биринчи вице-мэри Адилет Шаршеналы уулунун бул башкармалыкты түзүү боюнча сунушу угулду. Ошондой эле 2025-жылдын 18-декабрындагы Ош шаардык кенешинин бюджет, экономика жана өнөр жай маселелери боюнча туруктуу комиссиясынын № 33 чечими эске алынды. Натыйжада Ош шаардык кенеши «Ош шаарынын мэриясынын Финансылык башкармалыгын» түзүүнү жана анын финансылык каржылоосун жергиликтүү бюджеттен 2026-жылдын 1-январынан тарта каржылоону бекитти.
Буйрук расмий жарыяланган учурдан тарта күчүнө кирет.
