Транспорт жана байланыш министри Абсаттар Сыргабаев да бул долбоордун деталдары менен бөлүштү.
Пландаштырылган төрт тилкелүү жол 17 чакырымга созулат. Курулуш Бишкектин Түндүк айланма жолунун жана Жаш Гвардия бульварынын кесилишинен башталат, бул жерде эки деңгээлдүү транспорттук түйүн, жарык берүү жана жашылдандыруу каралган. Алдынкы этапта изилдөө жана долбоорлоо иштерин жүргүзүү пландалууда.
Мындан тышкары, Чүй облусунда 8,7 чакырым узундуктагы эки тилкелүү жол жана көпүрө куруу пландалууда, ал Мраморное жана Виноградное айылдарын бириктирет. Бул долбоор тыгындарды азайтууга, жолдордо коопсуздукту жогорулатууга жана инфраструктураны жакшыртууга, ошондой эле регион аралык байланыштарды өнүктүрүүгө багытталган.
