Жолугушууда транспорт министри Абсаттар Сыргабаев жана анын кесиптештери аталган долбоордун максаттары, ошондой эле анын техникалык мүнөздөмөлөрү жана ишке ашыруу пландары тууралуу маалымат беришти.
Долбоордун алкагында узундугу 17 километрди түзгөн төрт тилкелүү жолду куруу пландалууда, ал Бишкектин Түндүк айланма жолунун жана Жаштар Гвардиясы бульварынын кесилишинен башталат. Долбоор ошондой эле эки деңгээлдүү транспорттук түйүн, жарыктандыруу жана аймакты жашылдандырууну камтыйт.
Мындан тышкары, Чүй облусунда Мраморное жана Виноградное айылдарын байланыштырган узундугу 8,7 километрди түзгөн эки тилкелүү жол жана көпүрө куруу боюнча демилге каралууда.
Транспорт министрлигинде белгилегендей, аталган долбоорду ишке ашыруу транспорт тыгындарын азайтууга, жолдордо коопсуздукту жогорулатууга, инфраструктураны жакшыртууга жана аймак аралык байланыштарды өнүктүрүүгө көмөктөшөт.
