Дефицитти канааттандыруу үчүн башка өлкөлөрдөн электр энергиясын импорттоо пландалууда
Бүгүн парламенттин комитетинин жыйынында энергетика министринин орун басары Алтынбек Рысбеков Кыргызстанда электр энергиясынын импорту 2026-жылы да улантыларын билдирди.
Рысбеков учурдагы электр энергиясынын дефицити болжол менен 4,5 миллиард кВт/ч түзөрүн белгиледи.
Анын айтымында, Кыргызстан жыл сайын 14,5 миллиард кВт/ч электр энергиясын өндүрөт, бирок керектөөнүн өсүшү менен жетишпегенди толуктоо керек. Өткөн жылы бул үчүн 4,3 миллиард кВт/ч көлөмүндө импорт жүргүзүлгөн. "Электр энергиясынын импорту ушул жылы да улантылат. Биз аны калкка социалдык тариф боюнча сатабыз, ал эми айырманы НЭСК жабат", - деп кошумчалады Рысбеков.
Сүрөт www
