2025-жылы институттун кызматкерлери Чүй облусундагы балдар мекемелерин мониторинг жүргүзүшүп, жашоо шарттарын жана балдардын укуктарын сактоону текшеришкен. "Текшерүүнүн жыйынтыгында мыйзам бузуу фактылары аныкталды жана аларды жоюу боюнча сунуштар берилди", - деп айтылат пресс-релизде.
Аныкталган фактылар арасында айрым жетим балдарга тиешелүү мамлекеттик төлөмдөр берилбегени белгилүү болду. Мисалы, 2008-жылы төрөлгөн М. Б. аттуу кыз 2017-жылдан бери ата-энесинин өлүмүнөн кийин эжеси менен балдар үйүндө жашайт. 2015-жылы ага майыптык берилген жана пособие дайындалган, ошондой эле психиатрдын көзөмөлүнө алуу жана инклюзивдик программа боюнча билим алуу сунушталган.
Ошентсе да, 2017-жылы балдар үйүнө которулгандан кийин пособие төлөмдөрү МСЭК тарабынан кайрадан текшерүүдөн өтпөгөндүктөн токтотулган. "Сегиз жыл бою кайрадан текшерүү боюнча эч кандай чара көрүлгөн жок", - деп белгиленет пресс-кызматынын билдирүүсүндө.
Кыргызстандын акыйкатчысы Жамиля Джаманбаева Генералдык прокуратурага жана Эмгек, социалдык камсыздоо жана миграция министрлигине жетим балдардын укуктарын сактоону күчөтүү жана төлөнбөгөн пособияларды өндүрүү боюнча өтүнүч менен кайрылды.
Текшерүүнүн жыйынтыгында Эмгек министрлиги күнөөлүү кызматкерлерге дисциплинардык чараларды көрдү, ал эми майып кыздын пособиеси 2017-жылдан 2026-жылдын 1-майына чейин калыбына келтирилди.
Анын депозиттик эсебине жалпы 518 миң сом которулат.Башкы беттеги сүрөт: КР акыйкатчысынын пресс-кызматы.
