"Кабар" агенттигине берген интервьюсунда ал бул долбоорду борбор үчүн уникалдуу деп баалап, Бишкек үчүн мындай тажрыйба жаңы экенин белгиледи.
Мэрдин айтымында, жер алдындагы курулуш участогу биринчи жолу ижарага берилди жана ага өткөрүлгөн аукцион 7 миллион сомго аяктады. Долбоордун жалпы баасы болжол менен 2 миллиард сомду түзөт. Джунушалиев мындай долбоорлорду ишке ашыруу чоң күч-аракетти талап кыларын баса белгилеп, иштер үч айдын ичинде аяктайт деген ишенимин билдирди.
Мындан тышкары, мэр шаардыктар тарабынан үчүнчү кабаттын курулушу жана ЦУМдагы фонтанды демонтаждоо боюнча эмне үчүн мэрия байкабагандыгы тууралуу сын-пикирлерге жооп берди.
"Бул объектилер жеке менчик аймакта жайгашкан. Фонтан турган участок ЦУМга, ал эми кошумча кабат турган имарат ГУМга таандык",
— деп түшүндүрдү ал. "Бул жеке жерлер болгондуктан, биз курулуш иштерине кийлигише албайбыз. Бизде болуп жаткан иштер боюнча суроолор пайда болду, долбоорлорду иштеп чыгуучулар өз түшүндүрмөлөрүн беришти. Бирок, биз курулуш боюнча адистер болбогондуктан, бул суроолорго тиешелүү көңүл бурулган жок. Жарандардын сын-пикирлеринен кийин биз баштапкы долбоорлор менен текшерип, азыркы иштер менен салыштырып көрүүнү чечтик."Эми бардык иштер бекитилген долбоорго ылайык жүргүзүлүп, негизги көңүл жер алдындагы өтмөккө бурулат, деп белгиледи мэр.
