Керималиевдин айтымында, бул инициативаны ишке ашыруу үчүн 30 миллион доллар кредиттик каражат жана 1,79 миллион доллар грант каралган.
«Бул инициатива калктын, жаныбарлардын ден соолугун жакшыртууга жана айлана-чөйрөнү коргоого багытталган масштабдуу долбоорду билдирет. 1-фаза үч негизги компонентти камтыйт, алар негизги системанын потенциалын түзүү жана сактоо, ошондой эле өзгөчө кырдаалдарга жооп берүү механизмдеринин иштеши үчүн зарылчылыктарды эске алуу менен иштелип чыккан. Бул, регионалдык «Бирдиктүү ден соолук» программасынын алкагында глобалдык ден соолук маселелерин чечүүдө комплексдүү жакындашуунун маанилүүлүгүн баса белгилейт,» — деди ал.
Долбоордун негизги багыттары зооноздук инфекциялар менен күрөшүү, антимикробдук препараттарга туруктуулукту алдын алуу жана азык-түлүктүн коопсуздугун камсыз кылуу болуп саналат, деп кошумчалады Жаныбек Керималиев.
