Элге маалымдалган маалыматка ылайык, Кыргызстандагы унаалардын жалпы саны дээрлик 1 миллион 909 миң 961 бирдикти түзөт.
Машиев 2024-жылга салыштырмалуу унаалардын саны 13%га өскөнүн, бул болсо айрым кооптонууларды жаратканын белгиледи. Жалпы унаалардын ичинен 972 миңи бензин менен, 339 миңи дизель менен, 56,9 миңи газ жана бензин менен, ал эми 37 миңи гибриддик унаалар. Ошол эле учурда, жалпы унаалардын 0,8%ын түзгөн 15,2 миң унаа электромобилдер болуп саналат.
Анын айтымында, смогдун негизги себептеринин бири – чыгарылган газдар.
«Учурда экологиялык жактан таза транспортко өтүү боюнча активдүү иштер жүргүзүлүүдө. Бишкекте газ менен иштеген 1 447 экобус, 120 электробус жана 12 метрлик экобустар иштеп жатат. Ар бир мындай автобус төрт дизель унаасын алмаштыра алат жана күнүнө 100 тонна дизель отунунун керектөөсүн азайтат. Мындан тышкары, шаарда 100дөн ашык электрозаряд станциялары орнотулган жана учурда алардын орнотуусу үчүн 2 миңден ашык жаңы арыз каралууда», — деп кошумчалады министр.
