Текшерүүнүн себеби, Yutong автобустарын колдонгон Норвегиянын транспорттук бийликтери тарабынан айтылган кооптонуулар болду. Алар кытайлык өндүрүүчү программалык камсыздоону жаңыртып, диагностика жүргүзө алат деп белгилешти, бул автобустар кыймылда жатканда аларга таасир этүүгө мүмкүнчүлүк берет.
Коопсуздук максатында Норвегиянын Ruter агенттиги эки электробусту изоляцияланган шарттарда тестирлөө жүргүздү. Натижалар алыстан өчүрүүнү алдын алуу үчүн автобустардан SIM-карталарды алып салуу керектигин көрсөттү.
"Тестирлөөнүн натыйжалары биз азыр иштеп жаткан тобокелдиктерди аныктады. Биз улуттук жана жергиликтүү бийликтерге кабарладык, алар улуттук деңгээлде кошумча чараларды кабыл алууга жардам бериши керек", – деди Ruterдин башкы директору Бернт Рейтан Йенссен.Ruter ошондой эле келечектеги сатып алуулар үчүн коопсуздук чараларын күчөтүүнү пландаштырууда.
Даниянын эң ири транспорттук компаниясы Movia учурда 469 кытайлык электробусту эксплуатациялоодо, алардын 262си Yutong тарабынан өндүрүлгөн.
Moviaнын башкы операциялык директору Йеппе Гаард өткөн жумада "электр автобустары, электр унааларына окшоп, программалык камсыздоосу интернетке туташкан учурда алыстан өчүрүлүшү мүмкүн" деген маалымат алганын билдирди. Ал ошондой эле бул маселе кытайлык автобустар үчүн гана эмес, бардык транспорттук каражаттар жана кытай электроникасы бар түзүлүштөр үчүн актуалдуу экенин кошумчалады.
Даниянын жарандык коргоо жана өзгөчө кырдаалдарды башкаруу агенттиги автобустарда интернет байланышы, камералар, микрофондор жана GPS сыяктуу системалардын коопсуздугу боюнча кооптонууларын билдирди. Алар бул функциялар осал болушу мүмкүн деп чочулашат, бул электробустардын иштөөсүндө жана алардын туура эмес пайдаланылышында көйгөйлөрдү жаратышы мүмкүн.
Yutong компаниясы болсо бардык нормаларга жана стандарттарга катуу ылайык келерин билдирди. Алар ошондой эле Евробиримдиктеги терминалдардын маалыматтары Франкфурттогу Amazon Web Services (AWS) дата борборунда сакталат деп белгилешти.
"Бул маалыматтар транспорт каражаттарын тейлөө жана жакшыртуу, ошондой эле кардарлардын сатуу кийинки тейлөө муктаждыктарын канааттандыруу үчүн гана колдонулат. Аларга кирүү шифрлөө жана кирүү контролу менен корголгон. Кардардын уруксатысыз эч ким маалыматтарга кире албайт. Yutong ЕСтин маалыматтарды коргоо боюнча мыйзамдарына жана нормаларына катуу ылайык келет", – деди компаниянын өкүлү.
Даниянын транспорттук агенттиги келечектеги сатып алуулар үчүн коопсуздук талаптарын күчөтүү ниетин билдирди. Эң ири транспорттук компания Movia учурда 469 кытайлык электробусту эксплуатациялоодо, алардын 262си Yutong тарабынан өндүрүлгөн.
Ошондой эле Бишкек Yutong автобустарын жеткирүү боюнча келишим түзгөнүн белгилөө керек.
