Кечээ НАН КРдин Борбордук илимий китепканасында КИЭКОП/CEPIEC (Кытай билим берүү басылмаларын импорттоо жана экспорттоо корпорациясы) тарабынан колдоого алынган Кытайлык бурчоктун салтанаттуу ачылышы болуп өттү. Ага НАН КРдин президенти Абдыганы Эркебаев, НАН КРдин вице-президенттери Алмаз Алдашев, Биймырза Токторалиев, Кыргызстандын Кытай Эл Республикасындагы элчилигинин убактылуу ишенимдүү өкүлү Жень Ши, Бишкектеги Кытай Консулдугунун вице-президенти Ву Бо, НАН КРдин Борбордук илимий китепканасынын директору Ширин Ибраимова жана башка катышты.
Кытайлык бурчокту түзүү НАН КРдин Борбордук илимий китепканасы менен КИЭКОПтун ортосундагы биргелешкен долбоордун алкагында мүмкүн болду. Анын негизинде кытай тарап кытай тилин үйрөнүүгө арналган 300дөн ашык китеп жана тарых, география, искусство, маданият, туризм, экономика жана социалдык өнүгүү боюнча кытай жана орус тилдеринде башка илимий басылмаларды берди. Өз тараптан НАН КРдин Борбордук илимий китепканасы Кытайлык бурчокту түзүп, келген китептерди каталогдоштуруп, Кытайлык бурчокту популяризациялоо боюнча маалымат материалдарын даярдады. Бул долбоор үч жыл бою өнүгөт, кийинки 2 жылда жыл сайын 150 аталыштагы китеп берилет.
Өз сөзүндө НАН КРдин президенти Абдыганы Эркебаев кыргыз-кытай мамилелеринин маанилүүлүгүн белгилеп: «Мен кытай элчилигинин илимге ушунчалык көңүл буруп жатканына абдан кубанычтамын, бул биздин китепканабыз ар кандай китептер, журналдар жана басылмалар менен толукталууга муктаж болгондуктан, абдан маанилүү», – деп кошумчалады Абдыганы Эркебаев.
Өз кезегинде Кытай Эл Республикасындагы элчиликтин убактылуу ишенимдүү өкүлү Жень Ши НАН КРдин Борбордук илимий китепканасына Кытай жөнүндө адабият берүү ниетин билдирди: «Кытай Эл Республикасының 65 жылдыгы жана НАН КРдин 60 жылдыгынын алкагында мен китепкананы жардам берүүгө кубанычтамын жана эртең НАН КРдин Борбордук илимий китепканасына акысыз негизде кийинки партия китептерди берүү боюнча буйрук берем» – деди Жень Ши.
НАН КРдин Борбордук илимий китепканасы илимий коомчулук кытай басылмаларына кызыгуу көрсөтөт деп үмүттөнөт, ошондой эле студенттер, жаш илимпоздор, адистер кытай маданиятын үйрөнүү боюнча өз чөйрөсүн кеңейтет.
