Жогорку Кеңештин жыйынында депутат Чолпон Эсенаманова Кара-Балта тургундарынын түтүн боюнча арыздарын көтөрдү.
Ал шаардагы абанын булганышынын булактары ТЭЦ, таштанды полигону, НПЗ «Джунда», ошондой эле «Азия Сталь» жана «Текстиль» ишканалары экенин белгилеп, бул балдардын ден соолугуна терс таасир этерин айтты.
Бул боюнча өкмөт башчынын биринчи орун басары Данияр Амангельдиев «Азия Сталь» ишканасынын иши аныкталган мыйзам бузуулар жоюлгандан кийин гана улантыларын билдирди.
Анын айтымында, өкмөт майда көмүрдү импорттоого жана пайдаланууга тыюу салуу чечимин кабыл алды, ошондой эле байытуучу фабрикаларды куруу үчүн президенттин фондунан 2 миллион доллар бөлдү.
Депутат ошондой эле Кара-Балта жана Каиндыда канча үй газдаштырылганын жана Жайыл, Панфилов, Талас райондорун газдаштыруу качан пландалганын сурады.
«Газпром Кыргызстан» ЖЧКсынын өкүлү Азамат Алдаяров жалпы газдаштыруу схемасынын алкагында Полтавка айылында иштер башталганын, бирок Кара-Балтанын жогорку бөлүгү дагы газдаштырылбаганын, пландар боюнча бул 2030-жылга чейин аякталууга тийиш экенин билдирди.
«Газ таратуучу станцияда кубаттуулук менен байланышкан проблема бар. Аны чечүү үчүн 2 миллиард сом керек», - деп кошумчалады ал.
