Архивден алынган сүрөт. Депутат Гулсункан Жунушалиева Таш-Дободогу курортология институтунун абалы тууралуу айтып берди
Депутаттын айтымында, мекеменин лифттери авариялык абалда, палаталарда болсо суук. Ремонтко муктаж болгон терезелер жана эшиктер да бар.
«Ар бир жылы 15 миңден ашык адам Воронцовкада реабилитациядан өтөт. Бул уникалдуу мекеме, анда жогорку квалификациялуу адистер иштешет. Иш алып баруу жана дарылоо үчүн зарыл болгон шарттарды камсыздоо маанилүү», — деди Гулсункан Жунушалиева.
Ал саламаттыкты сактоо министрини курортко келип, учурдагы абалды баалоого чакырды. Мурда комитеттин мүчөлөрү министрликке институттун жабдууларын жаңылоону, капиталдык ремонт жүргүзүүнү, көрсөтүлгөн кызматтардын сапатын жакшыртууну жана кызматкерлердин айлык акысынын жогорулашын сунушташкан.
Дарылоо мекемесинин имараты 1984-жылы курулган жана ошол убактан бери капиталдык ремонттон өтпөгөн.
