Инициатордун пикири боюнча, кодексте товарлар жана кызматтардын бааларынын өзгөрүшүнө жараша эмгек акынын индексациясын камсыз кылуучу норманы орнотуу зарыл. Бул, анын айтымында, кызматкерлердин реалдуу эмгек акысын жогорулатууга жардам берет.
Мыйзам долбоорунун жобосуна ылайык:
- бюджеттик мекемелерде индексация учурдагы мыйзамдарга жана нормативдик актыларга ылайык жүргүзүлөт;
- жеке уюмдарда индексациянын шарттары, тартиби жана жыштыгы коллективдик келишим менен аныкталат.
Мыйзам долбоорунун негиздемесинде 2004-жылы 106-номер менен кабыл алынган мурдагы Эмгек кодексинде индексация боюнча жоболор болгондугу, бирок 2025-жылы жаңы кодекс кабыл алынгандан кийин күчүн жоготкондугу көрсөтүлгөн.
Акимбаева 2014-жылдан 2024-жылга чейин керектөө баалардын индекси 68,2 пайызга өскөнүн, бул жарандардын сатып алуу жөндөмүнө терс таасирин тийгизгенин белгиледи.
