Округда 94 шайлоо участкасы бар, алардын 90ы пандустар менен жабдылган. Бирок, жыйналышка катышкандар белгилегендей, алардын көбү белгиленген стандарттарга жооп бербейт. Президенттин ыйгарым укуктуу өкүлү Тилек Текебаев пандустарды оңдоонун зарылдыгын белгилеп: «Шайлоо 1-мартта өтөт. Жергиликтүү бийлик бардык шайлоочулар үчүн бирдей шарттарды түзүшү керек. Бүгүнкү күндө санитардык жана курулуш нормаларына жооп бербеген пандустар боюнча көйгөй бар», — деди.
Кээ бир пандустардын бурчтары өтө курч, бул майыптар арбаларында жүргөн адамдар үчүн кыймылдоо кыйынчылыктарын жаратат. Айрым жерлерде атайын чакыруулар (баскычтар же сигналдык түзүлүштөр) жок. Ошондуктан, бардык жооптуу адамдарга көрсөтмөлөр берилди жана кырдаалды көзөмөлдөө уюштурулат», — деп кошумчалады Текебаев.
94 участоктун 77си мектептерде, 7си муниципалдык мекемелерде, 6сы маданият үйлөрүндө, 3ү спорт залдарында, бирөө болсо бала бакчада жайгашкан. Ошондой эле округда 904 майып шайлоочу катталганын белгилөө керек.
