Текшерүүнүн алкагында Ми-171 жана Ми-8 вертолетторун тейлөө борборунун өндүрүштүк жана техникалык мүмкүнчүлүктөрү көрсөтүлдү. Ошондой эле агенттиктин делегациясы регионалдык запастык бөлүктөрдүн инфратүзүмүн изилдеп, долбоордун учурдагы абалы тууралуу кенен маалымат алды.
НАИнын сүрөтү
НАИнын башчысы Равшанбек Сабиров белгилегендей, билдирилген ниеттердин гана эмес, чыныгы түзүлгөн мүмкүнчүлүктөрдүн жана келечекке так пландардын болушу маанилүү. Ал бул долбоор Кыргызстанда заманбап авиациялык кызмат көрсөтүү жана окутуу борборлорун түзүү мүмкүн экенин көрсөтүп турганын айтты. Мындай демилгелер инвестицияларды тартууга, жумушчу орундарды түзүүгө, адистерди даярдоого жана өлкөнүн технологиялык потенциалын күчөтүүгө жардам берет.
Сапар учурунда борбордун функционалын кеңейтүү пландарына өзгөчө көңүл бурулду. Айрыкча, 2026-жылы Ми-171 вертолету үчүн авиациялык тренажерду жана интерактивдүү окутуу классын жайгаштыруу боюнча макулдашуу болгондугу маалымдалды. Бул чаралар Кыргызстанда учкучтардын даярдыгын жана кайра даярдыгын уюштурууга мүмкүндүк берет, бул кесиптик билим алуунун жеткиликтүүлүгүн кыйла жогорулатат жана чет элдик ресурстарга болгон көз карандыны азайтат.
Сапардын жыйынтыгын чыгара келе, Равшанбек Сабиров бул долбоордун өлкөнүн экономикасы жана авиация тармагы үчүн маанилүүлүгүн белгиледи.
