Бюджетке жыйналган каражаттардын бардыгы түшпөйт
Жакында БГКнын жыйынында Казыбек Эргешов «парковка мафиясынын» бар экендигин айтып, бул Бишкектин бюджетине таасир этээрин белгиледи. Анын айтымында, парковкалардан жыйналган каражаттардын бардыгы шаар казынасына түшпөйт.
Шаардык мэриянын маалыматына ылайык, Бишкекте 45 токтотуучу жай бар, алардын 23 муниципалдык. Мындан тышкары, базарлардын жанында 3 миңден ашык парковка жайы жайгашкан. Кызматтын баасы саатына 25 сомду түзөт.
Анткен менен, Эргешов базарларда парковка үчүн 50 сом алынарын белгиледи.
«Мен мурун муниципалитет менен кызматташууга даяр болгон адамды сунуштаган элем. Бирок мага келишимдер ушул жылдын аягына чейин кол коюлгандыгы айтылды. Силерде өз схемаларыңар иштеп жатат. Коррупция бар. Бул системаны ачыкка чыгаруу керек. Муну үчүн атайын комиссия түзүп, текшерүү жүргүзүү зарыл», - деди депутат.
Сүрөт www
