Мындан тышкары, Мексикада жүргөн кыргызстандыктарга адамдардын көп чогулган жерлеринен качып, жергиликтүү бийликтердин көрсөтмөлөрүн аткарыш үчүн атайын сактык чараларын кармануу сунушталат.
Кыйын кырдаалдар жаралганда, Вашингтондо жайгашкан Кыргызстан Республикасынын Америка Кошмо Штаттарындагы жана Канаддагы элчилигине +1 202 449 98 22 жана +1 202 256 29 24 телефон номерлери аркылуу же [email protected] электрондук почтасы аркылуу кайрылуу сунушталат.
Мындан тышкары, Кыргызстан Республикасынын Тышкы иштер министрлигинин Консулдук департаменти менен +996 999 312 002 номерине байланышса болот.
Эскерте кетсек, өткөн күнү Мексикада аскердик операциянын жүрүшүндө Немесио Осегера Сервантес, же Эль Менчо деген ат менен белгилүү, "Халиско - Жаңы муун" аттуу эң ири наркокартелдердин лидерлеринин бири өлтүрүлгөн. Бул окуялардан кийин айрым региондордо массалык башаламандык жана картелдин куралчан мүчөлөрү менен укук коргоо органдарынын ортосунда кагылышуулар башталды.
Маалыматтарга караганда, жоочулар жолдорду тосуп, унааларды өрттөп, күч органдарына кол салууда. Операциянын натыйжасында картелдин бир нече мүчөсү өлтүрүлдү, аскерлер арасында да жаракат алгандар бар.
Айрым штаттарда жыйырмадан ашык шектүүлөр кармалды. Кырдаалдын курчушу шартында авиакомпаниялар учууларды токтотуп, жергиликтүү бийликтер туристтерди отелдерде болууга жана сак болууга чакырууда.
