Мамлекетте спиналдык булчуң атрофиясынан жабыркаган 40тан ашык бала бар
«СМА Кыргызстан» аттуу социалдык демилге «Мүмкүнчүлүктөр биримдиги» фонду тарабынан башталды, деп билдирди аталган уюм.
Фонддун маалыматы боюнча, өлкөдө спиналдык булчуң атрофиясынан (СМА) жабыркаган 40тан ашык бала бар. Дарыгерлердин жана мамлекеттин колдоосу аларга заманбап дарылоо, анын ичинде Рисдиплам дарысын алууга мүмкүнчүлүк берет.
Анткен менен, дарылоо өзү толук чечим эмес. Балдарга күн сайын дем алуу колдоосу, жөтөлдү чыгаруу, вертикализаторлор жана башка реабилитациялык каражаттарды колдонуу зарыл. Бул жабдууларсыз терапия күтүлгөн натыйжаны камсыздай албайт», — деп белгиленет билдирүүдө.
Жогоруда айтылганды эске алып, фонд өлкө боюнча балдар үчүн зарыл жабдууларды сатып алуу үчүн каражат чогултууну баштаганын жарыялады. Уюм каражат чогултуу процессинин жана жабдууларды өткөрүп берүү ишинин ачык жана шыпаалуу өтүшүнө кепилдик берет.
сүрөт www
