Фильмдин авторлору Кыргызстан жана Казакстандан келген журналисттер, долбоордун демилгечилери Мунара Боромбаева (Бишкек) жана Мадина Ашилова (Алматы) болуп, алар режиссёрлук милдетин да аткарышкан. Редакторлор Анархан Алтымышова (Кыргызстан) жана Калимаш Бегалиева (Казахстан) болушкан.
Фильм эки өлкөгө тиешелүү экологиялык маселелерди чагылдырып, Борбордук Азиядагы эң актуалдуу маселелердин бири — мөңгүлөрдүн тез эришин жана анын миллиондогон жарандарга тийгизген таасирин терең журналисттик изилдөө катары сунуштайт.
Фильмдин авторлору бул трансчек ара экологиясы суу жана азык-түлүк коопсуздугуна, социалдык туруктуулукка, гендердик теңчиликке жана ден-соолук үчүн таза чөйрөгө болгон укукка кандай таасир этерин көрсөтүшөт.
Премьералык көрсөтүү маданий чөйрөдө гана эмес, ачык талкуулар үчүн да маанилүү окуя болду. Уюштуруп жаткан тараптар эл аралык уюмдардын, мамлекеттик структуралардын жана жарандык коомдун климаттык чакырыктарга көңүл буруусун жана БУУнун Устундуу өнүгүү максаттарына ылайык күч-аракеттерди бириктирүүнүн зарылдыгын белгилешти.
Фильмдин авторлорунун бири Мунара Боромбаева: "Биз мөңгүлөрдүн эриши — бул алыста турган коркунуч эмес, бүгүнкү күндө биз туш болуп жаткан реалдуулук экенин көрсөтүүгө аракет кылдык. Фильмде мөңгүлөрдүн кыскарышы, өзгөчө кырдаалдар, климаттык миграция жана кургакчылык ортосундагы байланыш байкалат. Биз маселелерди гана көтөрбөй, ошондой эле мүмкүн болгон чечимдерди жана климаттын өзгөрүшүнө адаптация механизмдерин талкуулайбыз" — деп белгиледи.
Фильм 2025-жылы Европа Биримдигинин колдоосу менен "Сенсациялуу окуялар аркылуу аудиториянын туруктуулугун жогорулатуу" (CARAVAN) долбоорунун алкагында Internews тарабынан түзүлгөн.
