Анын айтымында, Кыргызстанда жакындага чейин билим берүү мекемелериндеги зомбулук жана укук бузуулар боюнча кеңири изилдөөлөр жүргүзүлгөн эмес. «2025-жылы биринчи ирет ушундай масштабдуу изилдөө жүргүзүлдү. Жыйынтыктар зомбулук учурларынын эң көп саны Бишкек, Ош, ошондой эле Чүй, Ош жана Баткен облустарында катталганын көрсөттү. Мындан тышкары, билим берүү мекемелериндеги зомбулуктун жайгашуусунун картасы түзүлгөн. Эң кеңири таралган зомбулук формалары психологиялык жана физикалык зомбулук, ошондой эле кибербуллинг болуп чыкты», — деп кошумчалады Жусупбекова.
Министрдин орун басары адистер алынган маалыматтарды талдоону улантып, кырдаалды жакшыртуу боюнча сунуштарды иштеп чыгууда экенин белгиледи.
