Кыргыз Республикасынын саламаттык сактоо министри Дамирбек Осмоновдун Ош жана Жалал-Абад облустарына болгон жумушчу сапарынын алкагында, ОсОО Неман-Фарм дарыканасында Электрондук медициналык буюмдар жана дары-дармек базасында катталбаган дары-дармек каражаттары аныкталды. Бул тууралуу Саламаттык сактоо министрлигинин маалымат кызматы билдирет.
Инспекция Электрондук база маалыматтарынын ишин, анын ичинде дары-дармектердин көзөмөлүнө жооптуу модулду текшерүү үчүн жөнөтүлгөн.
Бул контролго ыйгарым укуктуу адистер аныкталган мыйзам бузуулар боюнча акт түзүштү.
Министр бардык фармацевтикалык ишмердик катышуучулары, алардын уюштуруу-укуктук формасынан көз карандысыз, дары-дармектерди каттоо жана санариптик көзөмөл талаптарын сактоого милдеттүү экенин белгиледи.
Анын пикири боюнча, өлкө аймагында жүгүртүлүп жаткан ар бир препарат электрондук көзөмөл системасында чагылдырылышы керек. Бул фармацевтикалык рынокто ачыктыкты жогорулатуу, мыйзамдарды сактоо жана бейтаптардын укуктарын коргоо үчүн зарыл.
