Жүк ташууну "Аэрономад" авиакомпаниясы жүргүзөт.
Мурда президент Садыр Жапаров ОАЭде калган кыргызстандыктарды Оман аркылуу эвакуациялоону пландап жатканын белгилеген.
28-февралда таңкы сааттарда Израиль жана АКШ Иранга сокку урду. Дональд Трамп Ислам Республикасынын ядролук программасын жок кылуу ниетин растады.
Булга жооп катары Иран Израильдин жана башка Түштүк-Чыгыш Азия өлкөлөрүнүн, АКШнын аскердик базалары жайгашкан жерлерине сокку урду. Сокку Бахрейн, Катар, Кувейт, Абу-Даби жана Дубай (ОАЭ) менен Эр-Риядга (Сауд Аравиясы) багытталды.
Америкалыктар менен израильдиктердин операцияларынын натыйжасында Ирандын жогорку лидери аятолла Али Хаменеи өлтүрүлдү, анын аялы Мансуре Ходжасте жаракаттардан каза болду.
Дональд Трамп Ирандагы аскердик операция төрт жумага созулаарын билдирди. Иран болсо АКШ жана Израилге каршы жихад жарыялап, эч кандай сүйлөшүүлөр болбой турганын айтты.
Түштүк-Чыгыш Азиядагы конфликт глобалдык реакцияны жаратат, Кыргызстанга да таасир этүүдө. Учурда ОАЭдеги кырдаалдан улам миңдеген туристтер блокадада калды. Чет өлкөдөгү кыргызстандыктар үчүн элчиликтердин жана консулдуктардын байланыш номерлерин бул жерден таба аласыз.
