Проекттин алкагында, аталган райондун сегиз айылын сугат суу менен камсыз кылуучу сугат инфраструктурасын жаңылоону пландаштырылууда.
Атап айтканда, жалпы узундугу 15,78 чакырымды түзгөн сол жээктеги магистралдык каналдын 15 чакырымдык толук реконструкциясы, ошондой эле 13,5 чакырым жаңы жогорку чарба каналынын курулушу пландалууда.
Ведомствонун маалыматына ылайык, тендер өткөрүлгөн, анын жыйынтыгы боюнча 853 миллион 476 миң сомдук контракт түзүлгөн. Курулуш иштерин China Road компаниясы жүргүзөт.
Проект аяктагандан кийин Базар-Коргон шаарында жана Сайдыкюм, Акман аймактарында жайгашкан 8 миң 225 гектар сугат жерлер үчүн суу камсыздоо жакшыртылат деп күтүлүүдө.
Модернизациялоо иштерин 2028-жылдын декабрь айына чейин аяктоо пландалууда.
