"Жаңы суу түтүктөрүн жана канализацияны орнотуу иштеринин учурунда көчө бузулду. Иштер аяктаган соң, жолдун асфальттык жабындысы канааттандырарлык эмес абалда калды. Натыйжада, жолдун эки жагынан агып келген жамгыр жана кар суусу менен толгон чұкулар пайда болду. Автомобилдер өткөндө, суу чачырап, короолорго түшөт", - деп айтып беришти жергиликтүү тургундар.
Адамдар бир нече ирет бийлик органдарына жолду түздөп, таш менен толтуруу өтүнүчү менен кайрылышкан.
"Биз, жок дегенде, кичине оңдоо иштерин жүргүзүүнү - жолду түздөп, таш менен толтуруп берүүнү сурадык. Бирок Бишкек мэриясы биздин арызды Ленин районунун администрациясына жөнөттү, ал жактан оңдоо иштери планда жок деген жооп келди. Биз дагы кимге кайрыларыбызды билбейбиз", - деп бөлүшүштү алар.
Бул маалымат жарыяланган соң, Бишкек мэриясынын басма сөз кызматы Ленин районунун акимиатына шилтеме берип, жолдорду жана тротуарларды капиталдык оңдоо жыл сайынгы титулдук тизмеге ылайык жүргүзүлөрүн билдирди.
"Бул тизмеге биринчи кезекте коомдук транспорт өтүүчү муниципалдык жолдор, ошондой эле билим берүү жана саламаттык сактоо мекемелери жайгашкан жолдор кирет", - деп айтылат билдирүүдө.
2026-жылга карата титулдук тизмеде Училтельская көчөсүн капиталдык оңдоо каралган эмес.Ошондой эле, көчөнү шагыл менен толтуруу маселеси 2026-жылга өндүрүш программасын түзүү учурунда кароого алынат, бөлүнгөн финансылык каражатка жараша.
