Кыргызстандын Билим берүү министрлиги биринчи класска кимдердин кабыл алынарын түшүндүрдү
Кыргызстандын Билим берүү министрлиги 2026/27-окуу жылына «Балдарды мамлекеттик жана муниципалдык жалпы билим берүү уюмдарына электрондук каттоо» жаңы санариптик системасын бекитти.
Бул система боюнча, биринчи класска 2019-жылдын 1-январынан 31-декабрына чейин жана 2020-жылдын 1-январынан 31-декабрына чейин төрөлгөн балдар кабыл алынат.
8 жаштан улуу балдар же жеке башын тастыктаган документтери жоктор Балдар иштери боюнча комиссиянын (БИКом) чечими менен кабыл алынышы мүмкүн.
Биринчи класска каттоо процессинин эки этабы «Электрондук каттоо» системасы аркылуу өлкө боюнча өтөт:
— биринчи этабында, ата-энелеринин же мыйзамдуу өкүлдөрүнүн микроучастогунда каттоосу бар балдар кабыл алынат;
— экинчи этабында, мектепте бош орундар калса, туруктуу каттоосу жок балдар кабыл алынат.
Биринчи этап 2026-жылдын 1-апрелинде саат 10:00дө башталат, экинчи этап болсо 2026-жылдын 1-июнунда, ошондой эле саат 10:00дө бош орундар болсо башталат.
Баланы каттоо 1mektep.edu.gov.kg платформасындагы «жеке кабинет» аркылуу жүргүзүлөт.
Биринчи класска кабыл алууда тесттер, экзамендер же интервьюлар сыяктуу сыноолор каралбай турганын белгилөө маанилүү.
«Электрондук каттоо» системасын киргизүүнүн негизги милдеттери төмөнкүлөрдү камтыйт:
— балдарды биринчи класска каттоо учурунда маалыматтарды эсепке алуу жана иштетүү;
— бардык балдар үчүн баштапкы жалпы билим алууга бирдей шарттарды түзүү.
Системада балдардын жана алардын мыйзамдуу өкүлдөрүнүн, ошондой эле Кыргызстандын жарандары жана чет элдик жарандардын жеке маалыматтары «Тундук» электрондук өз ара аракеттенүү системасы аркылуу текшерилет.
Баланын маалыматы төмөнкүлөрдү камтыйт:
— жеке идентификациялык номер (ЖИН);
— фамилия, аты жана атасынын аты;
— жынысы;
— туулган күнү.
Заявителдин маалыматы төмөнкүлөрдү камтыйт:
— жеке идентификациялык номер (ЖИН);
— фамилия, аты жана атасынын аты;
— жынысы;
— туулган күнү;
— юридикалык дарек (заявителдин каттоосу жөнүндө маалымат);
— байланыш телефондору (мобилдик номер);
— электрондук почта дареги.
«Электрондук каттоо» системасында жеке маалыматтарды коргоо Кыргызстандын Санариптик кодексине ылайык жүргүзүлөт.
Сүрөт www
