Үч күндүн ичинде 6745 ОРВИ жана грипп учурлары катталды. Эпидемиологиялык абал туруктуу бойдон калууда, - Саламаттык сактоо министрлиги
Кыргызстандын Саламаттык сактоо министрлиги ОРВИ жана грипп менен оорулуулуктун азайганын билдирип, эпидемиологиялык кырдаалдын туруктуулугун баса белгиледи. 8-январда Саламаттык сактоо министри Каныбек Досмамбетов ОРВИ жана гриппке байланыштуу маселелерге арналган штабдын жыйынын өткөрдү. Жыйында учурдагы эпидемиологиялык кырдаал, медициналык мекемелерге түшкөн жүк, ошондой эле оорулуулуктун өсүшү шартында биринчи деңгээлдин иши каралды.