60 кг салмак категориясындагы финал 13-декабрда Дубайда өттү. Биринчи раундда Холоков артыкчылыкка ээ болсо, экинчи раунд Шумковго калды. Негизги беш судья бир пикирге келе албай, кырдаалды чечүү үчүн эки нейтралдык арбитр тартылды. Натыйжада, Шумков минималдуу артыкчылык менен 4:3 жеңишке жетти.
Турнирдин аяктоосунан кийин интернетте видеотасма пайда болду, анда россиялык үчүнчү раунддын аягында атаандашын кулактан тиштеп алганын көрүүгө болот. Бирок беттеш учурунда жана андан кийин Холоков жана анын командасы бул маселени көтөрүшкөн жок.
Окуянын жазылышы трансляцияга түштү, ал эми пресс-конференцияда Шумков өзү атаандашын тиштегенин мойнуна алды. Ал өзүнүн аракетин күчтүү эмоционалдык чыңалуу менен түшүндүрүп, зыян келтирүү ниети болбогонун белгилеп, тиштөө Холоковдун ден соолугуна эч кандай кесепетин тийгизбегенин айтты. Шумков ошондой эле бул эпизод финалдык беттешке таасир эткен жок деп эсептейт.
IBA окуяны иликтөөнүн башталганын жарыялап, Шумков жана Россиянын бокс федерациясы тиешелүү кесепеттерге дуушар болорун билдирди.
23-декабрда Умар Кремлев социалдык тармактарда бул иш боюнча акыркы чечимди жарыялады.
Шумков жеңиш үчүн алган $300 миң гонорарынын 50% өлчөмүндө айып пулга жыгылат.
Мындан тышкары, Кремлев боксчулар арасында IBA Pro белетине сегиз раунддук реванш өткөрүүнү сунуштады.
Кыргызстан бул окуя менен кандайча байланыштуу? Шумков менен Холоковдун финалында рефери болуп Кыргызстандык Бекзад Абдурашидов кызмат өтөдү.
Бул публикацияны Instagramда көрүү
Умар Кремлевдин публикациясы (@umar_kremlev)
