Улуттук командада тоо лыжасы жана лыжа жарыштары боюнча эки өкүл катышты.
Олимпиаданын ачылышында, 7-февралга караган түнү, лыжачы Артур Сапарбеков Кыргызстандыктардын желек көтөрүүчүсү болду.
Сапарбеков стартка чыккан биринчи кыргызстандык болду — 10-февралда ал классикалык стилде спринт жарышына катышты. Бул дисциплинада жалпы 95 спортчу катталып, стартка 94 спортчу чыкты. Артур 94-орунду ээлеп, Норвегиянын Олимпиада чемпиону Йоханнес Клебого 1 мүнөт 29,48 секундга артта калды.
13-февралда лыжачы кайрадан трассага чыгып, 10 км эркин стилде жарышка катышты, анда 113 катышуучу катталды.
Жарыштын биринчи жарымында кыргызстандык ТОП-100дүн ичинде кармалып турду, бирок сегизинчи километрде кулап, убакыт жоготту. Натыйжада, анын убактысы 27 мүнөт 46,9 секунд болду, ал 102-орунду ээлеп, Олимпиада чемпиону кайрадан Клебо болду.
14-февралда оюндарда тоо лыжачы Тимур Шакиров дебют жасады, ал «гиганттык слалом» жарышына катышты, анда 81 спортчу катталды.
Ал биринчи аракетте 67-орунду, экинчи аракетте 62-орунду ээлеп, акыры 69 финишировавчынын арасында 62-орунду алды. Бул дисциплинада Олимпиада чемпиону бразилиялык Лукас Пиньейро Бротен болду.
16-февралда слалом боюнча мелдештер өтүп, анда 96 спортчу катышты. Аба ырайы жагымсыз болду — кар жаап, көрүнүш начарлады.
Биринчи аракетте стартка чыккан спортчулардын жарымынан көбү финишка жете алган жок, алардын арасында Олимпиада чемпиону Лукас Пиньейро Бротен жана кыргызстандык Тимур Шакиров да болду.
Ошентип, кыргызстандык спортчулардын кышкы Олимпиада оюндарына катышуусу аяктады.
