Конференциянын жогорку деңгээлдеги сегментинин алкагында Асаналиев Кыргызстанда коррупцияга каршы күрөшүү үчүн кабыл алынган чаралар тууралуу маалымат берди. Ал укуктук жана институттук инфраструктурага киргизилген өзгөртүүлөр, ошондой эле бул тармакта эл аралык кызматташтыкты күчөтүү боюнча аракеттер тууралуу айтып берди.
Конференцияда Асаналиев менен АКШнын мамлекеттик катчысынын жардамчысынын орун басары Мэгги Нардинин ортосунда жолугушуу болду. Алар келечектеги практикалык кызматташтык мүмкүнчүлүктөрүн талкуулашты.
CoSP-11 190дан ашык мамлекетти жана 2000ден ашык прокурорду, коррупцияга каршы органдардын жетекчилерин жана эл аралык уюмдардын өкүлдөрүн чогултту.
